Axtar

Azərbaycan banklarının xarici borcları 26% artıb

Azərbaycanda fəaliyyət göstərən bankların xarici öhdəlikləri 2022-ci il fevralın 28-nə 1 milyard 334,4 milyon manat təşkil edir ki, bu da ötən ilin sonuna olan göstəricidən 25,5% çoxdur.

Azərbaycan Mərkəzi Bankının məlumatına görə, 2022-ci ilin fevral ayında bankların xarici öhdəlikləri 25,2% və ya 268,5 milyon manat artıb. Fevralın sonuna Azərbaycan banklarının xalis xarici aktivləri 5 milyard 671,6 milyon manat təşkil edir ki, bu da 2021-ci ilin sonuna olan göstəricidən 2,3% azdır.

Fevral ayında bankların xalis xarici aktivləri 466,2 milyon manat və ya 7,6% azalıb.

Qeyd edək ki, Azərbaycan banklarının xarici öhdəlikləri qeyri-rezidentlərdən cəlb edilən kredit və depozitlərdən, qeyri-rezidentlərdə yerləşdirilən qiymətli kağızlardan formalaşır.

2021-ci ildə Azərbaycan banklarının xarici öhdəlikləri 12,9% azalıb.

Əlaqə

Email : enanewsaz@gmail.com

Tel : +994 70 500 12 33