Ərdoğanla Putin Ukraynadakı vəziyyəti müzakirə edəcək
Sabah, martın 6-da Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olacaq.
ENA.az xəbər verir ki, bunu Türkiyə Prezidentinin sözçüsü İbrahim Kalın deyib.
O vurğulayıb ki, Ukrayna ilə Rusiya arasında müharibə dərhal dayandırılmalıdır və diplomatiya yoluna qayıdılmalıdır: “Biz bu istiqamətdə çox ciddi səylər göstəririk. Sabah Putinlə telefon danışığı olacaq. Prezidentimiz Türkiyədə görüş barədə təkliflərini xatırladacaq. Atəşkəsə şans vermək, humanitar dəhlizlər yaratmaq lazımdır. Bu müharibə uzansa həm Rusiya, həm Ukrayna, həm də bütövlükdə region üçün ciddi təhdid yaranacaq”.
