İaşə obyektlərində xidmət yerlərinin sayı 10,6% artıb

2017-ci ildə iaşə obyektlərində oturacaqların sayı 10,6 faiz artıb.

Bu barədə Dövlət Statistika Komitəsindən məlumat verilib.

Rəsmi məlumatlara görə, 2018-ci ilin əvvəlində iaşə obyektləri eyni zamanda 730.7 min müştəriyə xidmət etmək imkanında olub. Təkcə 2013-2017-ci illərdə bu obyektlərdə oturacaqların sayı 351,8 min ədəd artıb. Müqayisə üçün deyək ki, 1995-ci ildə ölkədə kafelər və restoranlar 285,6 min nəfər qəbul edə bilərdi.