Azərbaycanda 21 bankın aktivləri artıb
Azərbaycanda fəaliyyət göstərən 26 bankdan 5-nin bu il yanvarın 1-nə aktivləri illik müqayisədə az olub.
Bunlar “Xalq Bank”, “AFB Bank”, “Azərbaycan Sənaye Bankı” ASC-lər, İran və Pakistan Milli Banklarının Bakı filiallarıdır.
Ən çox azalma Pakistan bankında (22,1%), ən az azalma isə “Xalq Bank”da (0,6%) qeydə alınıb.
Qalan 21 bankın aktivləri artıb. Ən yüksək dinamika “Yelo Bank” ASC-də (36,5%), ən aşağı dinamika isə “Bank BTB”də (1,7%) qeydə alınıb.
4 bankın aktivləri 2 milyard manatdan çoxdur
Azərbaycanda fəaliyyət göstərən 26 bankdan 4-nün bu il yanvarın 1-nə aktivləri 2 milyard manatdan çox olub.
Bunlar “Azərbaycan Beynəlxalq Bankı” (11 milyard 483 milyon 857 milyon manat), “Kapital Bank” (6 milyard 709 milyon 523 min manat), “PAŞA Bank” (6 milyard 408 milyon 381 min manat) və “Xalq Bank” (2 milyard 339 milyon 392 min manat) ASC-lərdir.
Qalan 22 bankdan 3-də ("Bank Respublika", "Unibank" və "Rabitəbank") aktivlər 1-2 milyard manat arasında, 6 bankda 500 milyon manatdan 1 milyard manata qədər, 11 bankda 100-500 milyon manat arasında, 2 bankda isə 100 milyon manatdan azdır.
