Nobel prospektində yolun çökməsinin səbəbi məlum oldu - VİDEO
Bakının Nobel prospektində yolun hərəkət hissəsində çökmənin səbəbi müəyyənləşib. Araşdırmalar nəticəsində məlum olub ki, yolun altından qrunt suları axır.
"BI" xəbər verir ki, “Real TV” yerin 25-30 metr dərinliyindəki su axıntısının görüntülərini əldə edib.
Hazırda həmin yerdə “Azərsu” ASC-nin mütəxəssisləri işləyir.
Prospektin şəhərin mərkəzinə doğru olan hissəsində hərəkət zolaqlarından ikisi nəqliyyat vasitələrinin hərəkəti üçün bağlanıb.
Azərbaycan Avtomobil Yolları Dövlət Agentliyinin əməkdaşları da hadisə yerində işləyirlər.
Prospektdə avtomobillərin hərəkətinin tam bərpa olunacağı vaxt hələlik məlum deyil.
İlkin məlumata görə, “Azərsu” ASC-nin əməkdaşları həftənin sonunadək işlərini başa çatdırmalıdırlar. Bundan sonra yolun çökən hissəsinin bərpasına başlanılacaq.
