“Bank VTB Azərbaycan”ın səhmdarlarının yığıncağı keçiriləcək
Aprelin 30-da, saat 12:00-da “Bank VTB Azərbaycan” ASC-nin səhmdarlarının növbəti ümumi yığıncağı keçiriləcək.
ENA.az xəbər verir ki, yığıncaq Bankın Bakı şəhəri, Nəsimi rayonu, Xətai prospekti, 38 ünvanında yerləşən baş ofisində olacaq.
Yığıncağın gündəliyinə "Bank VTB Azərbaycan"ın 2020-ci il üzrə maliyyə hesabatlarının təsdiq edilməsi, ötənilki mənfəətinin bölüşdürülməsi, səhmdarlara dividend ödənilməsi məsələləri daxildir.
Xatırladaq ki, "Bank VTB Azərbaycan" 2003-cü ildən fəaliyyət göstərən "AF Bank" ASC-nin bazasında 2009-cu ildə yaradılıb. Onun nizamnamə kapitalı 315,8 milyon manatdır. Bankın səhmlərinin 99,999995%-i “Bank VTB Rusiya” ASC-yə, 0,000005%-i isə Adıgözəl Ağayevə ("Ata Holdinq” MMC-nin keçmiş baş direktoru) məxsusdur.
