Aqrar

Rusiya Azərbaycandan pomidor və alma idxalına qadağa qoydu

Rusiyanin Baytarlıq və Fitosanitar Nəzarəti üzrə Federal Xidməti (“Rosselxoznadzor”) Azərbaycan məhsullarında zərərvericilərin aşkar edilməsi ilə əlaqədar onların idxalını dekabrın 10-dan qadağan edib.

Bu barədə ENA.az “Kommersant” nəşrinə istinadən xəbər verir.

Bildirilib ki, Azərbaycanın Qida Təhlükəsizliyi Agentliyi (AQTA) pozuntular barədə dəfələrlə məlumatlandırılıb.

Yalnız oktyabrın 22-dən indiydək 17 belə hal qeydə alınıb. Söhbət alma və pomidorda Cənubi Amerika pomidor güvəsi və şərq almaqurdunun aşkarlanmasından gedir.

“Bununla əlaqədar olaraq, fitosanitar vəziyyətin qorunması, Rusiya Federasiyası ərazisinə həmin zərərvericilərin idxalının və yayılmasının qarşısının alınması məqsədi ilə “Rosselxoznadzor” 10 dekabr 2020-ci il tarixindən etibarən Rusiyaya Azərbaycan mənşəli pomidor və almaların gətirilməsini qadağan etməyə məcburdur”, - “Rosselxoznadzor” bəyan edib. Qadağa müvəqqəti xarakter daşıyır.

Maraqlıdır ki, bu qərar Türkiyənin də iştirakı ilə Bakıda keçirilən qələbə paradının olduğu dövrdən başlayır.    

Ən vacib xəbərləri Telegram kanalımızdan OXUYUN! (https://t.me/enaxeber)