Gürcüstanın Azərbaycanla ticarət dövriyyəsi azalıb
Bu ilin yanvar-sentyabrında Gürcüstanın Azərbaycanla ticarət dövriyyəsinin dəyəri 670 milyon ABŞ dollarına bərabər olub.
Bu barədə Gürcüstanın Milli Statistika İdarəsindən bildirilib.
Azərbaycan Gürcüstanın 9 aylıq ticarət dövriyyəsində 8,3% payla qonşu ölkənin ticarət tərəfdaşları arasında Türkiyə, Rusiya və Çindən sonra IV yerdə qərarlaşıb.
Ötən ilin analoji dövrü ilə müqayisədə Gürcüstan və Azərbaycan arasında ticarət dövriyyəsinin həcmində 11% azalma qeydə alınıb.
