Aktivlərindən ən yaxşı istifadə edən banklar

10 sentyabr 2020

Azərbaycanda fəaliyyət göstərən 26 bank bu ilin I yarısını 371,7 milyon manat xalis mənfəətlə başa vurub ki, bu da onların bu il iyulun 1-nə malik olduqları 30 milyard 540,9 milyon manat məbləğində aktivlərin 1,2%-i qədərdir.

Ayrı-banklarda isə sözügedən nisbət fərqlidir. Belə ki, yanvar-iyun aylarından mənfəətlə çıxmış 22 bank arasında aktivlərindən ən yaxşı istifadə edəni "Kapital Bank" ASC olub. Bu bankın əldə etdiyi mənfəət aktivlərinin 3,5%-ni təşkil edib. Baxmayaraq ki, "Kapital Bank" aktivlərinin məbləğinə görə ölkədə 2-cidir.

Fəaliyyət effektivliyinə görə, 2-cü yeri isə "Express Bank" ASC tutub. Bu bank ötən yarım ildə aktivlərinin 2,2%-i qədər mənfəət əldə edib. Bu arada, "Express Bank" aktivlərinin məbləğinə görə, 26 bank arasında 19-cu yerdə qərarlaşıb.

3-cü yeri isə ölkənin yeganə regional bankı - "Naxçıvan Bank" ASC tutub. Bu bankın 6 aylıq mənfəəti aktivlərinin 2%-i qədər olub. Halbuki, "Naxçıvan Bank" aktivlərinin məbləğində görə, banklar arasında 22-cidir.

Mənfəətlə işləyən qalan 19 bankdan isə 4-də sözügedən göstərici 1-2% arasında, 15 bankda isə 0-1% arasında dəyişir.

№	Bankın adı	Bankın yarım illik mənfəətinin / zərərinin aktivlərinə nisbəti
1	Kapital Bank	3,5%
2	Express Bank	2,2%
3	Naxçıvan Bank	2,0%
4	Bank of Baku	1,4%
5	Azərbaycan Beynəlxalq Bankı	1,4%
6	Unibank	1,3%
7	Premium Bank	1,1%
8	Bank VTB Azərbaycan	0,9%
9	Xalq Bank	0,8%
10	Zıraat Bank Azərbaycan	0,6%
11	PAŞA Bank	0,6%
12	AFB Bank	0,6%
13	İran Milli Bankı - Bakı	0,5%
14	Bank Respublika	0,4%
15	Azərbaycan Sənaye Bankı	0,4%
16	Günay Bank	0,3%
17	Turan Bank	0,2%
18	Rabitəbank	0,2%
19	Access Bank	0,2%
20	Yapı Kredi Bank Azərbaycan	0,1%
21	Azər-Türk Bank	0,0%
22	Bank BTB	0,0%
23	Muğan Bank	-0,3%
24	Bank Avrasiya	-1,0%
25	Pakistan Milli Bankı - Bakı	-2,2%
26	Yelo Bank	-2,9%