Bakı Nəqliyyat Agentliyində İctimai Şura yaradılır
Bakı Nəqliyyat Agentliyi yanında İctimai Şura yaradılır.
Bu barədə ENA.az-a agentliyin Mətbuat xidmətinin rəhbəri Mais Ağayev məlumat verib.
Məlumatda bildirilir ki, qurum şuranın üzvlüyünə namizədlərin seçilməsinə dair elan verib: "Bakı Nəqliyyat Agentliyi fəaliyyət istiqamətləri üzrə texniki və hüquqi layihələrin hazırlanması və qəbulu zamanı ictimai iştirakçılığın və nəzarətin təşkili məqsədilə vətəndaşların və vətəndaş cəmiyyəti institutlarının iştirakı ilə İctimai Şuranın tərkibinin müəyyən edilməsi prosesinə başlayıb.
Bakı Nəqliyyat Agentliyi İdarə Heyəti sədrinin 10-12-264 nömrəli 18 avqust 2020-ci il tarixli əmri ilə Bakı Nəqliyyat Agentliyi yanında İctimai Şuraya seçkinin təşkili məqsədi ilə yaradılmış Seçki Komissiyası tərəfindən İctimai Şuranın üzvlərinin say həddi, İctimai Şuraya namizədlərin irəli sürülməsi və qeydiyyatı üçün nəzərdə tutulan müddət müəyyən edilib.
Belə ki, Bakı Nəqliyyat Agentliyi yanında İctimai Şuranın üzvlüyünə namizədlərin irəli sürülməsi prosesi üçün 24.08.2020-ci il tarixindən 23 sentyabr 2020-ci il tarixinədək qeydiyyat aparılacaq.
İctimai Şuranın üzvlüyünə namizədliyin irəli sürülməsinə dair müraciətə bəsi sənədlər əlavə edilməlidir. Bunlar namizəd fiziki şəxs olduqda şəxsiyyət vəsiqəsinin surəti, hüquqi şəxs olduqda reyestrdən çıxarışın surəti, fiziki şəxslərə dair əlavə məlumatlar ( namizədin tərcümeyi-halı, namizəd hər hansı bir vətəndaş cəmiyyəti institutunun üzvü olduğu halda təşkilat tərəfindən namizədin irəli sürülməsi barədə müraciəti, həmin üzvlüyü təsdiq edən sənədin surəti), hüquqi şəxslərə dair əlavə məlumatlar (nizamnaməsinin surəti, namizədin bu sahədə təcrübəsini əhatə edən digər sənədlər müraciətə əlavə oluna bilər).
Seçki ilə əlaqədar müraciətlər Bakı Nəqliyyat Agentliyinə poçt və ya rəsmi elektron poçt ünvanı (info@bna.az) vasitəsi ilə ünvanlanmalıdır.
