Avropada əmlaka böyük endirimlər olan ölkələr açıqlanıb

Distress aktivlərə (bazar dəyərindən aşağı qiymətə satılan və kommersiya baxımdan cəlbedici olan əmlak) ən böyük endirimlər İtaliyada (böhrandan əvvəlki qiymətin 40%-dək), Kiprdə (25%-dək), Fransa, İspaniya və Yunanıstandadır (15%-dək), deyə mənbəyə istinadən RBC məlumat verir.

“Bunlar ya daşınmaz əmlak sahiblərinin təcili satışlarıdır, ya da tikinti şirkətlərin sərhədlərin bağlı olduğu müddətdə nağd pul axınını təmin etmək cəhdidir”, – deyə “Knight Frank” ın xarici daşınmaz əmlak direktoru Marina Şalayeva bildirir.

Qeyd edək ki, bu kimi aktivlərin Avropadakı ümumi tədarükünün təxminən 50%-i İtalyanın, 25%-i Kiprin, qalan hissəsi isə Fransa, Yunanıstan və İspaniyanın payına düşür.