Aktivlərindən ən yaxşı istifadə edən banklar

18 iyun 2020

Mayın 12-nə qədər Azərbaycanda fəaliyyət göstərən 28 bank bu ilin I rübünü 167,7 milyon manat xalis mənfəətlə başa vurub ki, bu da onların bu il aprelin 1-nə malik olduqları 31milyard 538,3 milyon manat məbləğində aktivlərin 0,5%-i qədərdir.

Ayrı-banklarda isə sözügedən nisbət fərqlidir. Belə ki, yanvar-mart aylarından mənfəətlə çıxmış 22 bank arasında aktivlərindən ən yaxşı istifadə edəni "Kapital Bank" və "Express Bank" ASC-lər olub. Bu bankların əldə etdiyi mənfəət aktivlərinin 1,7%-ni təşkil edib. Baxmayaraq ki, "Kapital Bank" və "Express Bank" aktivlərinin məbləğinə görə ölkədə müvafiq olaraq 3-cü və 19-cudur.

Fəaliyyət effektivliyinə görə, 3-cü yeri isə "Naxçıvan Bank" ASC tutub. Bu bank ötən rüb aktivlərinin 1%-i qədər mənfəət əldə edib. Bu arada, "Naxçıvan Bank" aktivlərinin məbləğinə görə, 28 bank arasında 24-cü yerdə qərarlaşıb.

Mənfəətlə işləyən qalan 19 bankda isə sözügedən göstərici 0,1-0,9% arasında dəyişir.

№	Bankın adı	Bankın rüblük mənfəətinin / zərərinin aktivlərinə nisbəti
1	Kapital Bank	1,7%
2	Express Bank	1,7%
3	Naxçıvan Bank	1,0%
4	Premium Bank	0,9%
5	Bank VTB Azərbaycan	0,8%
6	Unibank	0,8%
7	Azərbaycan Beynəlxalq Bankı	0,6%
8	Bank of Baku	0,5%
9	Günay Bank	0,5%
10	AFB Bank	0,4%
11	Xalq Bank	0,4%
12	Access Bank	0,3%
13	Azərbaycan Sənaye Bankı	0,2%
14	Zıraat Bank Azərbaycan	0,2%
15	İran Milli Bankı - Bakı	0,2%
16	Bank Respublika	0,2%
17	Bank BTB	0,2%
18	Rabitəbank	0,2%
19	Turan Bank	0,1%
20	Azər-Türk Bank	0,1%
21	Bank Avrasiya	0,1%
22	PAŞA Bank	0,1%
23	NBC Bank	-0,1%
24	Yapı Kredi Bank Azərbaycan	-0,2%
25	Muğan Bank	-0,2%
26	AGBank	-0,2%
27	Pakistan Milli Bankı - Bakı	-1,0%
28	Yelo Bank	-1,3%