Nazirlik 164 ədəd "Xəzər" avtomobili alır
Əmək və Əhalinin Sosial Müdafiəsi Nazirliyi Neftçala Sənaye Məhəlləsində fəaliyyət göstərən “Azərmaş” MMC-dən 164 ədəd “Khazar LX” markalı minik avtomobili alacaq.
Nazirlik buna görə 1 milyon 999 min 980 manat ödəniş edəcək.
Başqa sözlə, hər avtomobil quruma 12 min 195 manata başa gələcək.
ƏƏSMN-nin mətbuat xidmətinin rəhbəri Fazil Talıblı bildirib ki, avtomobillər ölkə prezidentinin ayırdığı vəsait hesabına alınır. Onlar Qarabağ müharibəsi əlillərinə və onlara bərabər tutulan şəxslərə təqdim ediləcək.
