2 şirkətə 3 milyon manatlıq sifariş - ÇOXSAYLI EVLƏRİ TƏMİR EDƏCƏKLƏR
"TALEH TT " MMC və "Dərələyaz - 1 " MMC Ağsu rayonunda 05 fevral 2019-cu il tarixində baş vermiş zəlzələ nəticəsində ziyan çəkmiş çoxsaylı yaşayış evlərində təmir işləri aparacaqlar.
"ENA" xəbər verir ki, Ağsu rayon İcra Hakimiyyəti hər iki şirkət ilə 3 milyon manatlıq müqavilələr bağlayıb.
"TALEH TT" MMC ilə bağlanmış müqavilənin məbləği 1 milyon 304 min manat, "Dərələyaz - 1" MMC ilə bağlanmış müqavilənin məbləği isə 1 milyon 696 min manatdır.
Hər iki müqavilə Ağsu rayonunda 05 fevral 2019 - cu il tarixində baş vermiş zəlzələ nəticəsində ziyan çəkmiş çoxsaylı yaşayış evlərindən sənədləri hazır olan (smetası və Fövqaladə Hallar Nazirliyinin qiymət cədvəlləri) yaşayış evlərində təmir işlərini nəzərdə tutur.
