11 bank xüsusi ehtiyatlara vəsait ayırmayıb
Azərbaycanda fəaliyyət göstərən 30 bankdan 11-i bu ilin yanvar-sentyabr aylarında xüsusi ehtiyatlara vəsait ayırmayıb.
Həmin banklar Pakistan Milli Bankının Bakı filialı, "NBC Bank", "Bank Avrasiya", "Bank BTB", "AGBank", "Atabank", "Bank VTB Azərbaycan", "Express Bank", "Unibank", "Azərbaycan Beynəlxalq Bankı" və "Bank of Baku"dur. Bu banklar xüsusi ehtiyatlara ayırmalar üzrə müxtəlif məbləğlərdə qənaət ediblər. Qənaətin ən aşağı həddi Pakistan bankında (50 min manat), ən yüksək həddi isə "Bank of Baku"da (75 milyon 996 min manat) qeydə alınıb.
Qalan 19 bank isə müxtəlif məbləğlərdə ehtiyatlar yaradıb. Bu baxından ən aşağı göstərici "Premium Bank"da (186 min manat), ən yüksək göstərici isə "Access Bank"da (104 milyon 735 min manat) qeydə alınıb.
7 bankın xüsusi ehtiyatlara ayırmaları azalıb
Azərbaycanda fəaliyyət göstərən 30 bankdan 6-nın bu ilin yanvar-sentyabr aylarında xüsusi ehtiyatlara ayırmaları ötən ilin eyni dövrü ilə müqayisədə çox olub.
Bunlar "Muğan Bank", "Bank Respublika", "PAŞA Bank", "Naxçıvan Bank", "Zıraat Bank Azərbaycan" və "Kapital Bank"dır. Ən yüksək dinamika "Muğan Bank"da (2,6 dəfə), ən aşağı dinamika isə "Kapital Bank"da (8,3%) qeydə alınıb.
9 bankın - "Xalq Bank", "Amrah Bank", "Yapı Kredi Bank Azərbaycan", "AFB Bank", "Turan Bank", "Rabitəbank", "Azərbaycan Sənaye Bankı", "Günay Bank" və "Nikoyl Bank"ın isə xüsusi ehtiyatlara ayırmaları illik müqayisədə azalıb. Ən çox azalma "Nikoyl Bank"da (87,2%), ən az azalma isə "Xalq Bank"da (13,6%) qeydə alınıb.
7 bankın - "Express Bank", Pakistan Milli Bankının Bakı filialı, "Atabank", "Bank of Baku", "Bank BTB", "NBC Bank" və "Unibank"ın isə xüsusi ehtiyatlara ayırmalar üzrə qənaəti artıb. Ən yüksək dinamika "Express Bank"da (11,9 dəfə), ən aşağı dinamika isə "Unibank"da (44,9%) qeydə alınıb.
1 bankın - "Azərbaycan Beynəlxalq Bankı"nın isə xüsusi ehtiyatlar ayırmalar üzrə qənaəti azalıb - 28,5%.
4 bank - "Access Bank", "Azər-Türk Bank", İran Milli Bankının Bakı filialı və "Premium Bank" bu ilin 9 ayında xüsusi ehtiyatlara vəsait ayırıb, ötən ilin eyni dövründə isə bu istiqamətdə qənaət edib, 3 bank - "AGBank", "Bank Avrasiya" və "Bank VTB Azərbaycan" isə bu ilin yanvar-sentyabr aylarında xüsusi ehtiyatlar üzrə qənaət edib, ötən ilin eyni dövründə bu istiqamətdə vəsait ayırıb. Odur ki, bu bankların maliyyə göstəricilərinin dinamikasını hesablamaq mümkün olmayıb.
