Avropanın ən kasıb ölkəsi seçildi
Ukrayna 2019-cu ildə Avropanın 42 ölkəsi arasında alıcılıq qabiliyyəti üzrə reytinqdə sonuncu yeri tutub.
“ENA”nın məlumatına görə, siyahı “Growth from Knowledge” kompaniyası tərəfindən hazırlanıb, araşdırmanın nəticələri təşkilatın saytında yerləşdirilib. Ukraynada bir nəfərin alıcılıq qabiliyyəti 1830 avro məbləğində dəyərləndirilib.
Reytinqdə birinci yeri Lixtenşteyn tutub (67550 avro). Araşdırmada qeyd edilir ki, bu göstərici Avropa üzrə orta göstəricini 4,5 dəfə üstələyir (14739 avro). İkinci yerdə İsveçrə (42057 avro), üçüncü yerdə isə Lüksemburq (35096 avro) qərarlaşıb.
Aşağı alıcılıq qabiliyyət olan ölkələr arasında Ukrayna ilə yanaşı Moldova və Kosova da var.
