ENA+

Rusiya və Türkiyə dünyanın gözlədiyi memorandumu imzaladı - 10 MADDƏ

Rusiya və Türkiyə Vladimir Putinlə Rəcəb Tayyib Ərdoğanın Soçi görüşündən sonra Suriya məsələsi üzrə 10 maddəlik tarixi memorandum sənədi imzalayıb.

ENA.az xəbər verir ki, sənəddə qeyd olunan maddələri təqdim edir:

1.Hər iki tərəf Suriyanın siyasi birliyinin və ərazi bütövlüyünün, Türkiyənin milli təhlükəsizliyinin qorunmasına dair öhdəliyini bir daha təsdiq edir;

2.Terrorizmin bütün forma və təzahürlərinə qarşı mübarizə aparmaq, Suriyadakı separatçılıq cəhdlərinin qarşının alınması istiqamətindəki qətiyyətlilik xüsusi vurğulanır;

3.Bu çərçivədə Tel Abyad və Ras Al Ayn da daxil olmaqla 32 kilometr məsafədəki “Sülh çeşməsi hərəkatı”ərazisindəki status-kvo qorunub saxlanılacaq.

4.Hər iki tərəf “Adana sazişi”nin əhəmiyyətini təsdiq edir. Rusiya müasir şərtlərlə “Adana sazişi”nin həyata keçirilməsinə öz töhfəsini verəcək;

5.23 oktyabr 2019-cu il, günorta saat 12:00-dan etibarən Rusiya hərbi polisi və Suriya sərhədçiləri, YPG ünsürləri və silahlılarının Türkiyə-Suriya sərhədindən 30 kilometr kənara çıxarılmasını təmin etmək üçün “Sülh çeşməsi hərəkatı”ərazisindən kənarda qalan Türkiyə-Suriya sərhədinin Suriya hissəsinə daxil olacaq. Bu müddət 150 saat içində tamamlanacaq. Həmin vaxtdan etibarən Qamışlı şəhəri istisna olmaqla, “Sülh çeşməsi hərəkatı” ərazisinin qərbində və şərqində 10 kilometr məsafədə Türk-Rus ortaq patrul xidməti başlayacaq.

6.Münbiç və Tel Rıfatda bütün YPG ünsürləri silahları ilə birlikdə çıxarılacaq;

7.Hər iki tərəf terror ünsürlərinin sərhədə nüfuz etməsinin qarşısını almaq üçün lazımi tədbirlər görəcək;

8.Qaçqınların təhlükəsiz və könüllü şəkildə geri dönmələrini asanlaşdırmaq üçün birgə səylər göstəriləcək;

9.Bu memorandumun icrasını izləmək və əlaqələndirmək məqsədilə birgə monitorinq və yoxlama mexanizmi yaradılacaq.

10.Tərəflər Astana mexanizmi çərçivəsində Suriya münaqişəsinin daimi siyasi həlli üçün səylərini davam etdirəcək və Konstitusiya Komitəsinin fəaliyyətini dəstəkləyəcək.

Ən vacib xəbərləri Telegram kanalımızdan OXUYUN! (https://t.me/enaxeber)