“Rabitəbank”ın rəhbərliyində dəyişikliklər edilə bilər

“Rabitəbank” ASC müşahidə şurasının 14 oktyabr 2019-cu il tarixli 119 nömrəli qərarına əsasən, 2019-cu il dekabrın 10-unda bankın səhmdarlarının növbəti ümumi iclası keçiriləcəkdir.

ENA.az Bankın elanına istinadən xəbər verir ki, yığıncağın gündəliyinə “Bankın 2020-ci maliyyə ili üçün tərtib edilmiş büdcə proqnozlarının təsdiqi”, “Bankın idarəetmə orqanlarının tərkibində dəyişikliyin edilməsi” və cari məsələlər daxildir.

Bankın idarəetmə orqanlarına aşağıdakılar aiddir:
- Səhmdarların Ümumi Yığıncağı;
- Müşahidə Şurası;
- İdarə Heyəti;
- Audit Komitəsi