Gömrükdə velosipedlər ortalama 30 dollardan bəyan edilir
Bu ilin ilk yarısında Azərbaycanda idxal edilən mühərriksiz ikitəkərli velosipedlər gömrükdə ortalama bir ədədi 30,36 dollara rəsmiləşdirilir. Lakin bu devalvasiya ilində (2015) olduğundan təxminən 50% çoxdur.
Dövlət Gömrük Komitəsinin məlumatına görə, ilin ilk yarısında xaricdən bəyan edilmiş ümumi dəyəri 4 mln. dollar olan 133,2 min velosiped alınıb.
2018-ci ilin eyni dövrü ilə müqayisədə alınan velosipedlərin sayı 7,1%, bir velosipedin orta qiyməti isə 4 dollar artıb.
