Gələn il sosial müdafiə məqsədləri üçün ayrılan vəsait 10 faiz artırılacaq
“Gələn ildən sosial müdafiə məqsədlərinə ayrılan vəsaitin həcminin 10 faiz artırılması ehtimal edilir. Rəqəmi qabaqcadan səsləndirmək istəmirəm”.
ENA.az xəbər verir ki, bunu bu gün Milli Məclisin Əmək və sosial siyasət komitəsinin iclasında komitənin sədri Hadı Rəcəbli bildirib.
H.Rəcəbli bildirib ki, Azərbaycanın dövlət büdcəsi sosialyönümlüdür, hər il bu sahəyə əhəmiyyətli dərəcədə vəsait ayrılır: “Biz bunu lazımınca təbliğ edə bilmirik. Ona görə də bəzi hallarda neqativ fikirlər yayılır. Bəzi hallarda bu istiqamətdə çıxışlarımız təhrif edilir. Buna yol vermək olmaz”.
