A-Qrup Sığorta”nın rəhbərliyində dəyişikliklər olub
“A-Qrup Sığorta” ASC-nin Direktorlar Şurasına yeni üzv seçilib.
ENA.az şirkətə istinadən xəbər verir ki, bu, Elşən Əfəndiyevdir.
O, bu vəzifədə bir neçə ay bundan əvvəl vəfat etmiş Toğrul Bağırovu əvəz edib.
Bundan başqa, “A-Qrup Sığorta”nın İdarə Heyətinin sədr müavini Orxan Əfəndiyev Abas Miskərli ilə, Təftiş Komissiyasının üzvü Ağamir Kazımov isə Ləman Mirzəyeva ilə əvəz olunub.
Həmçinin indiyə qədər şirkətin Daxili Audit Xidmətinin rəhbəri olan Mehriban İsgəndərli Təftiş Komissiyasına üzv seçilib, onu köhnə vəzifəsində isə Gülnar Əfəndiyeva əvəz edib.
Xatırladaq ki, "A-Qrup Sığorta" 1995-ci ildə yaradılıb. Onun nizamnamə kapitalı 10 005 250 manatdır. Əsasən tibbi sığorta üzrə ixtisaslaşmış şirkətin səhmləri 100% Sabir Adna oğlu Adnayevə (Direktorlar Şurasının sədri) məxsusdur.
