Müşavir: "Gəlir vergisi üzrə güzəştlərin tətbiqi yüksək səmərə verməkdədir"
Bu ilin ilk 4 ayında sosial sığorta haqları üzrə daxilolmalarda ötən ilin eyni dövrü ilə müqayisədə 17% artım olub".
"ENA" xəbər verir ki, bunu vergilər nazirinin müşaviri Xəqani Abdullayev Bakıda keçirilən “III Milli Mühasiblər Forumu”nda çıxışı zamanı bildirib.
Onun sözlərinə görə, bu sahədə proqnoz 113% icra olunub.
“O cümlədən qeyri-büdcə təşkilatlarının sosial sığorta ödəmələri 18% artıb, proqnoz 115% icra olunub. İşsizlikdən sığorta üzrə daxilolmalar isə 65% artıb, qeyri-büdcə təşkilatları üzrə artım tempi 90%-dən çox olub, proqnoz isə 118% icra olunub. Gəlir vergisi üzrə güzəştlərin tətbiqi yüksək səmərə verməkdədir”, - deyə X.Abdullayev əlavə edib.
