Gürcüstanda səsvermə bitdi - “Exit-pol”un nəticələri
Gürcüstanda prezident seçkiləri ilə bağlı səsvermə başa çatıb.
“Bİ” xəbər verir ki, ölkədə bütün səsvermə məntəqələri bağlanıb və səslərin hesablanmasına başlanılıb. Prezident olmaq üçün 25 nəfər namizədliyini irəli sürüb.
Əsas mübarizə üç namizəd - keçmiş xarici işlər naziri Salome Zurabişvili, "Güc və Birlik" müxalifət blokunun namizədi Qriqol Vaşadze və Avropa Gürcüstanı Partiyasının namizədi David Bakradze arasında gedəcək.
***
Gürcüstanda prezident seçkiləri ilə bağlı “exit-pollar”ın nəticələri açıqlanıb. “Rustavi 2” kanalının sifarişi ilə “Edison Research”in keçirdiyi “exit-pol”a əsasən, namizədlər Salome Zurabişvili ilə Qriqol Vaşadzenin hər biri 40%, David Bakradze isə 10% səs toplayıb.
