Azərbaycanda helikopter turları başlayıb – İSTİQAMƏTLƏR VƏ QİYMƏTLƏR
Azərbaycanda fəaliyyət göstərən turizm şirkətlərindən biri Bakıdan Qəbələ və Quba rayonlarına helikopterlə səfərlər təşkil edir.
ENA.az xəbər verir ki, bu barədə məlumat şirkətin sosial şəbəkə hesabında paylaşılıb.
Eləcə də bax: Restoran qutaba görə 100 AZN depozit istəyib
Məlumatda bildirilir ki, tur müddəti 5 saat 25 dəqiqə olacaq. Bunun 1 saat 25 dəqiqəsi havada - helikopterdə gəzinti olacaq. Qəbələ və Qubada səfər iştirakçılarına günorta yeməyi (assorti kabablar, müxtəlif növ salatlar, qarnirlər və soklar, sular, kompotlar) təklif olunacaq.
Məlumatda həmçinin bildirilir ki, sifarişlər 10 gün əvvəldən edilməlidir. 12 nəfərlik " Agusta Westland AW-139" helikopterində baş tutacaq turlarda 1 nəfər üçün qiymət 1100 manat təşkil edir. İstəkdən asılı olaraq proqramda və yemək çeşidlərində dəyişilkik edilə bilər. Qiymət isə yaşından asılı olmayaraq hər kəs üçün eynidir.
Eləcə də bax: Azərbaycanda “Air taksi” xidməti fəaliyyət göstərir
