Yaxın günlərdə bələdiyyə seçkiləri keçiriləcək
“Bu ilin dekabrın 27-də bələdiyyə seçkiləri keçiriləcək. Mərkəzi Seçki Komissiyası seçkilərə hazırlıq işlərini yekunlaşdırır. Yaxın günlərdə seçkiləri rəsmi şəkildə elan edəcəyik”.
ENA.az xəbər verir ki, bunu Mərkəzi Seçki Komissiyasının (MSK) sədri Məzahir Pənahov dairə seçki komissiyalarının sədrləri üçün keçirilən seminar-müşavirədə deyib.
O bildirib ki, seçki ölkə tarixində əlamətdar hadisədir. MSK sədri qeyd edib ki, MSK maarifləndirmə işinə xüsusi diqqət yetirir.
