Rayonlara gedib-gəlmək sərbəstdirmi? – RƏSMİ AÇIQLAMA

“Bu gün vətəndaşlar sərbəst şəkildə rayonlara gedib-gələ bilərlər. Bu dəqiqəyə qədər hələ ki, rayonlara giriş-çıxışa hansısa məhdudiyyət qoyulmayıb”.

Bu barədə Daxili İşlər Nazirliyinin (DİN) mətbuat xidmətinin rəisi, polis polkovniki Ehsan Zahidov açıqlamasında bildirib.

Qurum rəsmisinin sözlərinə görə, hələlik DİN-də bu məsələ ilə bağlı hansısa məlumat yoxdur.

“Bu məsələ ilə bağlı qərarı Nazirlər Kabineti yanında Operativ Qərərgah verir. Hazırda belə bir qərar verilməyib”, – deyə Ehsan Zahidov bildirib.

Milli Hematologiya və Transfuziologiya Mərkəzinin Genetik Diaqnoz Mərkəzində “Sars Cov-2” genom analizi edilən üç nümunədə 501Y.V1, B.1.1.7 (Britaniya variantı) aşkar edilib.

Ölkəmizdə koronavirus əleyhinə istifadə olunan “Coronavac” vaksini yeni ştamlara qarşı da effektivdir.