Əsas məzmuna keç
Bakı +16°, az buludlu
--:--:--
Tez-tez axtarılanlarBölmələr
Maliyyə

Gürcüstanın Azərbaycanla ticarət dövriyyəsi 15%-⁠ə yaxın artıb

Gürcüstanın Azərbaycanla ticarət dövriyyəsi 15%-ə yaxın artıb

Bu ilin ilk 10 ayında Gürcüstan və Azərbaycan arasında ticarət dövriyyəsinin dəyəri 1 milyard 254 milyon ABŞ dolları təşkil edib.

Bu barədə Gürcüstanın Milli Statistika İdarəsinin ilkin hesabatında bildirilib.

İllik müqayisədə ticarət dövriyyəsinin həcmində 14,6% artım qeydə alınıb.

Yanvar-oktyabr aylarında Gürcüstanın xarici ticarətində Azərbaycanın payı 5,4%-ə bərabər olub. Azərbaycan qonşu ölkənin əsas ticarət tərəfdaşları arasında Türkiyə, Çin, Rusiya və ABŞ-dan sonra beçinci yeri tutub.

Gürcüstandan Azərbaycana 648 milyon ABŞ dolları dəyərində məhsul ixracı həyata keçirilib, bu isə ötən ilin eyni göstəricisindən 10,2% çoxdur. Azərbaycan 9,4% payla Gürcüstanın əsas ixrac tərəfdaşları arasında Qırğızıstan və Çindən sonra üçüncü olub.

Gürcüstanın Azərbaycandan idxal etdiyi məhsulların həcmi isə ötən ilin eyni dövrünə nisbətdə 19,5% artaraq 606 milyon ABŞ dolları təşkil edib. Azərbaycan 3,7% payla Gürcüstanın əsas idxal tərəfdaşları sırasında Türkiyə, Çin, ABŞ, Rusiya və Almaniyadan sonra altıncı yerdə qərarlaşıb.

Hesabat dövründə Gürcüstanın xarici ticarət dövriyyəsinin ümumi dəyəri illik müqayisədə 9,6% artaraq 23,1 milyard ABŞ dolları təşkil edib. İxracın həcmi 6,87 milyard ABŞ dolları, idxalın həcmi isə 16,20 milyard ABŞ dollarına bərabər olub.

ENA.az TelegramdaHər gün yeniliklərdən xəbərdar olmaq üçün bizi sosial şəbəkələrdə izləyin!Bizi izlə