Dünya bazarında neft bahalaşır - 12.07.2023
Neft, Rusiyanın xam neft hasilatının azalmağa başladığı xəbəri ilə bahalaşır. ENA.az xəbər verir ki, treyderlərin diqqəti həmçinin iyun ayında ABŞ-da istehlak qiymətlərinin dinamikası ilə bağlı məlumatlara yönəlib. Bu isə növbəti iclasda Federal Ehtiyat Sisteminin qərarlarına təsir göstərəcək.
İnflyasiya məlumatları Bakı vaxtı ilə saat 16:30-da, Energetika Nazirliyinin enerji ehtiyatları ilə bağlı hesabatı Bakı vaxtı ilə saat 18:30-da açıqlanacaq.
Londonun ICE Futures birjasında saat 9:15-ə Brent markalı neftin sentyabr fyuçerslərinin dəyəri bir barel üçün 79,49 dollar təşkil edir ki, bu da əvvəlki sessiyanın bağlanış qiymətindən 0,09 dollar (0,11%) çoxdur.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin avqust ayı fyuçerslərinin qiyməti bu dəfə 0,1 dollar (0,13%) artaraq bir barelə görə 74,93 dollar təşkil edib.
Londonda fyuçerslər mayın əvvəlində ucuzlaşan 80 dollar səviyyəsinə yaxın idi.
Gəmi izləmə məlumatları göstərir ki, Rusiyanın qərb limanları vasitəsilə daşınmaları iyulun 9-dək olan dörd həftə ərzində əhəmiyyətli dərəcədə azalıb. ABŞ-da bu gün açıqlanacaq inflyasiya məlumatlarından əvvəl dolların ucuzlaşması da neft də daxil olmaqla əmtəə qiymətlərinin möhkəmlənməsində rol oynayan digər amil oldu.
