"DAAL Venture Capital" Azərbaycanda 2 startapı maliyyələşdirəcək
Azərbaycanda iki startap "DAAL Venture Capital" tərəfindən maliyyələşdiriləcək.
"ENA" xəbər verir ki, bu barədə jurnalistlərə açıqlamasında Nəqliyyat, Rabitə və Yüksək Texnologiyalar Nazirliyinə məxsus “Yüksək Texnologiyalar Parkı” MMC-nin direktoru Tural Kərimli məlumat verib.
“Bunlar "nextsale" və "paym.ese" startaplarıdır."DAAL Venture Capital"ın əsas fokusu maliyyə texnologiyalarıdır, bu baxımdan bu tip startaplara üstünlük verir. Ümumilikdə isə qurumun “qısa siyahı”sına Azərbaycandan 5 startap düşüb”, - deyə o, qeyd edib.
