“Apple” şirkəti oyun kompüteri istehsal edəcək
“Apple” şirkəti oyun kompüteri istehsal etməyə hazırlaşır. Şirkət kiber-idmançılar üçün yeni modeli 2020-ci ilin iyun ayında təqdim etməyə hazırlaşır. Model peşəkar oyunçular üçün nəzərdə tutulub.
Tayvan nəşrinə məlumat ötürən mənbə kompüterin ya monoblok, ya da böyük displeyli noutbuk formatında olacağını bildirib. Kompüter təxminən 5 min dollar civarında qiymətləndilir.
“Apple” şirkəti kiberoyunlara və video oyunlara artan marağı qiymətləndirir. Belə ki, bu ilin sentyabr ayında şirkət “Arcade” adlı oyun xidməti yaradıb.
