4 ay ərzində illik planın 40%-ni yerinə yetirib
Dövlət Gömrük Komitəsi 4 ay ərzində illik proqnozun 40%-ni yerinə yetirib.
Bu ilin yanvar-aprel aylarında Dövlət Gömrük Komitəsinin (DGK) xətti ilə dövlət büdcəsinə 1 milyard 391 milyon 858,9 min manat həcmində vergi və rüsumlar daxil olub ki, bu da 2018-ci ilin müvafiq dövrü ilə müqayisədə 364 milyon 277 min manat və ya 35,45% çoxdur.
DGK-dən verilən məlumata görə, hesabat ayında dövlət büdcəsinə daxil olan gömrük rüsumlarının həcmi ötən ilin analoji ayı ilə müqayisədə 50 milyon 784,1 min manat və ya 19,23% artaraq 314 milyon 800,4 min manat olub.
Həmçinin, ƏDV üzrə daxilolmaların həcmi 257 milyon 784,9 min manat və ya 36,3% artaraq 967 milyon 778 min manat, aksizlər 53 milyon 639,7 min manat və ya 2,3 dəfə artaraq 96 milyon 63,7 min manat, yol vergisi üzrə daxilolmalar isə 2 milyon 68,3 min manat və ya 18,6% artaraq 13 milyon 216,8 min manat təşkil edib.
Qeyd edək ki, 2019-cu il ərzində Dövlət Gömrük Komitəsinin xətti ilə dövlət büdcəsinə daxilolmanın həcmi 3 milyard 451,6 milyon manat təşkil edəcək.
