Ramiz Mehdiyevin oğlunun şirkəti maliyyə hesabatını açıqladı
Azərbaycanın özəl nəşriyyatı - "Şərq-Qərb" ASC 2025-ci ili 676 min manat xalis mənfəətlə başa vurub.
Səhmdar cəmiyyətinin maliyyə hesabatına istinadən xəbər verir ki, bu, 2024-cü illə müqayisədə 20 % azdır.
Ötən il "Şərq-Qərb"in vergiyəqədərki mənfəəti 846 min manat (əvvəlki ilə nisbətən 19,9 % az), mənfəət vergisi ödəmələri isə 171 min manat (19 % az) təşkil edib.
Bu il yanvarın 1-nə "Şərq-Qərb"aktivləri 10,01 milyon manat olub ki, bu da, illik müqayisədə 5,8 % çoxdur. Hesabat dövründə şirkətin öhdəlikləri 44 % azalaraq 164 min manata, balans kapitalı isə 7,4 % artaraq 9,846 milyon manata çatıb.
Xatırladaq ki, "Şərq-Qərb" 2001-ci ildə dövlət qeydiyyatına alınıb. Onun nizamnamə kapitalı 589 880 manatdır. Şirkətin əsas səhmdarı Prezident Administrasiyasının və Azərbaycan Milli Elmlər Akademiyasının sabiq rəhbəri Ramiz Mehdiyevin oğlu, fövqəladə hallar nazirinin keçmiş müavini Teymur Mehdiyevdir.
