Küveytdə neft emalı zavodu vuruldu
Küveyt Neft Şirkəti, Mina Abdullah neft emalı zavodunun dron tərəfindən hədəfə alındığını və nəticədə yanğın baş verdiyini açıqladı.
Küveytin rəsmi xəbər agentliyi KUNA-nın məlumatına görə, şirkətin yazılı açıqlamasında Mina Abdullah neft emalı zavodundakı bir bölmənin dron tərəfindən hədəfə alındığı bildirilir.
Bəyanatda hücumun müəssisədə yanğına səbəb olduğu və işçilərin təhlükəsizliyini təmin etmək və müəssisəni qorumaq üçün bütün lazımi qabaqlayıcı tədbirlərin görüldüyü əlavə edildi.
Neft emalı zavoduna dəyən ziyanın miqyası ilə bağlı heç bir məlumat verilmədi.
