Bakıda iş vaxtının dəyişməsi təklif edilir - YENİ CƏDVƏL - VİDEO
Bakı Nəqliyyat Agentliyi paytaxtdakı sıxlığı aradan qaldırmaq üçün iş saatlarının dəyişdirilməsi ilə bağlı təkliflər irəli sürüb.
"Businessinsider.az"ın məlumatına görə, təkliflər uzunmüddətli araşdırmalar əsasında hazırlanıb.
Eləcə də bax: Deputatlar qaz və elektrik enerjisi ilə bağlı limitin ləğv olunmasını təklif edir
Bakı Nəqliyyat Agentliyinin mətbuat katibi Mais Ağayev deyir ki, problemi aradan qaldırmaq üçün Nazirlər Kabinetinə ayrı-ayrı müəssisələrdə iş vaxtlarının başlama yarım saat intervalla saat 08:00, 08:30, 09:00, 09:30, 10:00 və eləcə də iş vaxtlarının bitmə saatlarının isə saat 17:00, 17:30, 18:00, 18:30, 19:00-a dəyişdirilməsi ilə bağlı təkliflər göndərilib. Təkliflər ilk olaraq dövlət idarə və təşkilatlarının iş saatlarını əhatə edir.
Mais Ağayevin sözlərinə görə, təkliflər qəbul edildikdən sonra müsbət nəticə verərsə, özəl təşkilatlarda da eyni qaydanın tətbiq edilməsi mümkün ola bilər.
BI mövzu ilə bağlı daha ətraflı videomaterialı təqdim edir:
