Abşeronda və Sumqayıtda internet - KƏSİLDİ
Abşeron rayonunun və Sumqayıt şəhərinin böyük hissəsində internet təchizatı ilə bağlı problem yaranıb.
"Businessinsider.az" əldə etdiyi məlumata görə, buna səbəb Azərbaycanın milli telekommunikasiya operatoru olan “Delta Telecom” şirkətinə məxsus fiber-optik kabelin zədələnməsidir.
Hadisənin kabelin altından keçdiyi avtomobil yolunda aparılan qazıntı işləri zamanı baş verdiyi bildirilir. Hazırda qəzanın nəticələri aradan qaldırılır.
Məsələ ilə bağlı “Delta Telecom”la əlaqə saxlanılıb, şirkətdən bu barədə onlarda məlumat olmadığı bildirilib.
