Mərkəzi Bank “Yaşıl və dayanıqlılıqla əlaqəli kreditlər üzrə təlimat”ı təsdiqləyib
Azərbaycan Mərkəzi Bankının (AMB) İdarə Heyəti “Yaşıl və dayanıqlılıqla əlaqəli kreditlər üzrə təlimat” təsdiq edib.
ENA.az bu barədə AMB-yə istinadən xəbər verir.
Məlumata görə, təlimatın əsas məqsədi “yaşıl” və dayanıqlılıqla əlaqəli kreditləşmənin formalaşdırılmasını və təşviqini təmin etməkdir. Təlimat çərçivəsində “yaşıl” və dayanıqlılıqla əlaqəli kreditlərin verilməsi üzrə kredit təşkilatları üçün tövsiyələr müəyyən olunub.
Xatırladaq ki, ötən il noyabrın 13-də Mərkəzi Bankın İdarə Heyətinin qərarı ilə “Yaşıl Taksonomiya” təsdiq edilib. Sənəd iqtisadi sektorlar üzrə “yaşıl fəaliyyət” növlərinin, alt-növlərinin və onların texniki təsnifat meyarlarının müəyyən edilməsi üzrə təsnifat sistemini əhatə edir.
