Neft “təchizat artımı gözləntiləri” ilə ucuzlaşır
Neft, İraq və Rusiyadan daha çox axın gözləntilərinə uyğun olaraq aşağı düşüb. Brent markalı neftin barreli 74 dollara düşüb, ABŞ xam nefti isə 70 dollara yaxındır.
ABŞ prezidenti Donald Tramp bazar günü deyib ki, o, Ukraynadakı müharibəyə son qoymaq üçün Rusiya prezidenti Vladimir Putinlə “çox yaxında” görüşə biləcəyinə inanır. Bu bəyanat ABŞ və Rusiya yaxın günlərdə Səudiyyə Ərəbistanında keçiriləcək ilk danışıqlara hazırlaşarkən verilib.
ING Groep NV-nin əmtəə strategiyasının rəhbəri Warren Patterson, "Neft bazarı ilə bağlı proqnoz qiymət zəifliyi fonunda pisləşməyə davam edir, eyni zamanda zaman çərçivələri də daha zəif fiziki bazara işarə edir", -deyib.
Xam neft, Trampın tarifləri və İran da daxil olmaqla istehsalçılara qarşı sanksiyalar təhdidləri səbəbindən sürətlə kurs dəyişir. Cümə günü ABŞ Maliyyə Naziri Skott Bessent administrasiyanın Tehranın neft ixracını indiki səviyyələrin 10 faizindən aşağı səviyyəyə endirməyi hədəflədiyini söylədikdən sonra qiymətlər artdı, sonra planın həyata keçirilməsinə dair şübhələr fonunda düşdü.
