Avropa Rusiya qazına qarşı yeni sanksiyalar planlaşdırır
Avropa İttifaqı Rusiya alüminiumuna idxal məhdudiyyətləri tətbiq etməyi və Ukraynanı geniş miqyaslı işğalı ilə əlaqədar Moskvanı hədəf alan yeni sanksiyalar paketinin bir hissəsi olaraq bu ölkədən mayeləşdirilmiş təbii qazın tədarükünü dayandırmağı düşünür.
Bloomberg-ə danışan mənbələrə görə, hələ layihə mərhələsində olan tədbirlərə Rusiyanın kölgə neft tanker donanmasının bir hissəsi olan onlarla gəmiyə qarşı sanksiyalar və hərbi məqsədlər üçün istifadə olunan mallara ixrac nəzarəti daxildir.
Mənbələr bildiriblər ki, bu yeni sanksiyalar paketi daha çox bankın beynəlxalq ödəniş sistemindən SWIFT-dən kəsilməsinə səbəb olacaq.
Rusiya LNG-ni mərhələli şəkildə dayandırmaq üçün yol xəritəsi də həyata keçirilə bilər. Təkliflər layihəsi hələ də üzv dövlətlər arasında müzakirə olunur və onlar rəsmi təqdim edilməzdən əvvəl dəyişə bilər.
Məsələ ilə tanış olan diplomatların fikrincə, Aİ Rusiya qazının idxalına qoyulan qadağanın sanksiyalar və ya yol xəritəsi çərçivəsində həyata keçiriləcəyinə qərar verməlidir. Sanksiyalar daha təsirli olsa da, onların həyata keçirilməsi üçün yekdillik tələb olunur.
