Qazprombank-a qarşı sanksiyalar bank hesablaşmalarını dayandıracaq

Vaşinqtonun “Qazprombank”a qarşı gördüyü son tədbirlər, çox güman ki, Rusiya qazının tədarükü və müvafiq olaraq, Avropaya ixracı üçün ödənişləri müvəqqəti dayandıracaq.

Bankla bağlı əməliyyatlara dekabrın 20-dək icazə verilir.

Bazar iştirakçıları digər banklar və digər valyutalar vasitəsilə ödəniş sxeminin dəyişdirilməsi üçün bir neçə variant görürlər. Bəzi ekspertlər hesab edirlər ki, ABŞ sonradan bank əməliyyatlarını istisnalar siyahısına əlavə edə bilər. Rusiya qazının istehlakçıları özləri də yaxın gələcəkdə yeni ödəniş sxemi tapacaqlarını gözləyirlər.

ABŞ-ın “Qazprombank”a qarşı sanksiyaları qaz ixracına görə ödənişləri demək olar ki, qeyri-mümkün edəcək və avropalı istehlakçılar xammal üçün yeni ödəniş sxemi axtarmalı olacaqlar, bunun üçün bir qədər vaxt lazım olacaq.

Reuters-in hesablamalarına görə, 2023-cü ildə Qazprom Avropaya təxminən 28 milyard kubmetr qaz tədarük edib.