Apple taxt-tacını əldən verdi. Samsung liderdir
Beynəlxalq Məlumat Korporasiyasının (IDC) məlumatına görə, 2024-cü ilin birinci rübündə qlobal əsasda smartfon tədarükü artıb. Apple-ın qlobal iPhone tədarükləri 9,6 faizlə pandemiya dövründən bəri ən böyük azalma göstərib. iPhone tədarükünün azalması Çin smartfon istehsalçılarının yüksəlişi ilə bağlı olub. Apple bazar payını Cənubi Koreyalı Samsung-a peşkəş edib.
IDC məlumatlarına görə, 2024-cü ilin ilk 3 ayında iPhone satışı 50,1 milyona çatıb. Bloomberg sorğusunda gözlənti 51,7 milyon idi. İllik bazda iPhone tədarükü 9,6 faiz azalıb.
“Huawei” və “Xiaomi” kimi Çinli rəqiblərin yüksəlişi və Pekin hökumətinin dövlət qurumlarında “iPhone” telefonlarından istifadəni qadağan etməsi iPhone tədarüklərinin azalmasında təsirli olub.
Ən böyük bazar payı Samsung-a məxsusdur
Qlobal mobil bazar bir çox illərin ən böyük artım göstəricisini qeyd etdi. Eyni dövrdə smartfon istehsalçılarının tədarükləri 7,8 faiz artaraq 289,4 milyon ədəd təşkil edib. Samsung yüzdə 20,8 ilə satışlarda ən böyük bazar payını aldı. Apple 17,3 faiz bazar payı ilə ikinci, Çinli Xiaomi isə 14,1 faizlə üçüncü yerdədir.
Bu il S24 seriyasını təqdim edən Samsung-un tədarükləri 60 milyon ədədi keçib.
