Azərbaycan Rusiyaya şərab ixracını 83% artırıb

Azərbaycan 2018-ci ildə 7 mln. 561,96 min dollar dəyərində şərab və üzüm suslosu ixrac edib. Bu  hökumətdən məlumat verilib.

"Ötən il Azərbaycan 7 mln. 561,96 min dollar dəyərində 654,72 min dekalitr şərab və üzüm suslosu ixrac edib. 2017-ci illə müqayisədə ixracın həcmi miqdar ifadəsində 75,4%, dəyər ifadəsində 28,4% artıb", - deyə məlumatda bildirilir.

Hesabat ilində ixracın əsas həcmi Rusiyanın payına düşüb. Belə ki, 2018-ci ildə bu ölkəyə 6 mln. 400,17 min dollar dəyərində (artım 29,8%) 618,3 min dekalitr (artım 82,9%) şərab ixrac edilib

2018-ci ildə Azərbaycanda 1,5 mln. dekalitr şərab məhsulları istehsal edilib. 2017-ci illə müqayisədə istehsal 48,9% artıb.

Şərab məhsullarının ixrac həcminin 2026-cı ilədək 1 milyon 875 min dekalitrədək artırılması qarşıda duran əsas vəzifələrdən biridir.

2017-ci ildə Azərbaycan üçün əsas ixrac bazarı Rusiya olub. Bu ölkəyə 338 min dekalitr şərab ixrac edilib.