“WhatsApp”da daha bir YENİLİK

Ən son yeniləmələrin bir hissəsi olaraq məşhur “WhatsApp” messenceri istifadəçilərinin məxfiliyinin artırılmasına yönəlmiş yenilik təqdim edib. İxtisaslaşdırılmış “WABetaInfo” portalının verdiyi məlumata görə, proqramın stolüstü versiyasında gizli çatlara daxil olmaq üçün xüsusi kodu quraşdırmağa imkan verən funksiya olacaq.

Yenilik istifadəçiləri icazəsiz girişdən qorumaq üçün nəzərdə tutulub. “WABetaInfo” ekspertlərinin sözlərinə görə, bu funksiya tətbiqin növbəti yeniləməsində tətbiq olunacaq.

“WhatsApp” tərtibatçıları müntəzəm olaraq şəxsi məlumatların qorunmasına və şəxsi mesajlar üzərində nəzarətin artırılmasına yönəlmiş funksiyalar təqdim etməklə istifadəçiləri üçün maksimum təhlükəsizlik və rahatlıq təmin etməyə çalışırlar.