Azərbaycan minik avtomobillərinin istehsalını iki dəfə artırıb
2024-cü ilin yanvar ayında Azərbaycanda minik avtomobillərinin istehsalı 406 ədəd təşkil edib ki, bu da 2023-cü ilin yanvarından 2,1 dəfə çoxdur.
1 fevral 2024-cü il tarixinə istehsalçıların anbarlarında 266 ədəd minik avtomobilləri (1 yanvar 2024-cü il tarixinə – 17 avtomobil) var. Statistikaya görə, yanvarda ölkədə 49 traktor istehsal edilib (azalma 51,3%). 1 fevral 2024-cü il tarixinə anbarlarda 10 traktor var.
Bundan əlavə, yanvar ayında 63 ədəd yük avtomobilləri (artım 57,5%) istehsal edilib. 1 fevral 2024-cü il tarixinə anbarlarda 57 yük maşını var.
Hazırda Azərbaycanda minik avtomobilləri istehsalı üçün üç zavod fəaliyyət göstərir: Neftçalada, Hacıqabulda və Naxçıvanda. Gəncədəki digər zavod isə kənd təsərrüfatı maşınları və yük maşınları istehsal edir. Ortamüddətli perspektivdə Azərbaycanda avtomobil istehsalının həcmi ildə 5 min ədədə çatmalıdır.
Daha əvvəl məlumat verildiyi kimi, 2023-cü ildə Azərbaycanda minik avtomobillərinin istehsalı 3738 ədəd təşkil edib ki, bu da 2022-ci illə müqayisədə 82,4% çoxdur.
