2027-ci ildə Azərbaycanın qeyri neft-qaz sektoruna sərmayələr 10 milyard dollar olacaq
Azərbaycan hökuməti 2023-cü ildə əsas kapitala olan investisiyalarda 7,7% artım prtoqnozlaşdırır.
“Proqnozlara əsasən, 2024-2027-ci illərdə əsas kapitala investisiyalarda orta illik artım 1,6% təşkil edəcək”, - Maliyyə Nazirliyinin məlumatında qeyd olunur.
Proqnozlara görə, ortamüddətli dövrdə kapital qoyuluşlarında artım qeyri neft-qaz sektoru hesabına təmin ediləcək. “Xüsusilə, 2027-ci ildə qeyri neft-qaz sektorunda əsas kapitala investisiyalar 2023-cü ilin yekunları üzrə 13,4 milyard manata qarşı 16,9 milyard manat (təxminən $10 milyard) təşkil edəcək», - Maliyyə Nazirliyindən vurğulanıb.
Nazirlikdən bildirilir ki, yaxın illərdə neft-qaz sektoruna kapital qoyuluşlarında azalma qeydə alınacaq.
