Dövlət Neft Fondunun AÇG yatağından gəlirləri 29% azalıb
![](https://ena.az/uploads/news/2023-09/_ena_d7d82a1726e520bdfbbd0d7b0_o.jpg)
Azərbaycan Respublikası Dövlət Neft Fondunun Azəri-Çıraq-Günəşli yatağından gəlirləri 2023-cü ilin ilk 8 ayında 4 milyard 728 mln. ABŞ dolları təşkil edib.
Bu barədə ARDNF-dən bildirilir.
Bu da illik müqayisədə 1 mlrd. 901 mln. dollar və ya 28.7% azdır.
Ötən ilin müvafiq dövründə AÇG-dən gəlirlər 6 mlrd. 629 mln. dollar təşkil etmişdi.
Şahdəniz yatağındakı qaz və kondesatından gəlir 1 mlrd. 183 mln. dollar təşkil edib. Bu 2022-ci ilin eyni dövründən 3% çoxdur.