Şamaxıda zəlzələdən sonra yaralı sayı 6-ya çatdı - FOTO - VİDEO

Şamaxı rayonunda baş verən zəlzələ nəticəsində bir neçə evə ziyan dəyib. 

“BI” xəbər verir ki, bu barədə sosial şəbəkə istifadəçiləri məlumat veriblər. Yerli sakinlər bildirirlər ki, təkanların təkrarlanacağından qorxan bir çox insan gecəni küçədə keçirməyə qərar verib.

Məlumata görə, zəlzələ nəticəsində rayonun Şamaxı rayonunun Şəhriyar qəsəbəsində bir yaşayış evində dağıntı baş verib. 

Şamaxı rayonunda təbii fəlakət nəticəsində baş vermiş dağıntılarla əlaqədar fövqəladə komissiya yaradılıb. Daha çox dağıntı rayonun Qəleybuğurt, Qızmeydan və Nağaraxana kəndlərində qeydə alınıb.

Həmin kəndlərdə səyyar tibb məntəqələri qurulub. Dağıntılar zamanı xəsarət alanların sayının artdığı və onların əksəriyyətinə ambulator yardım göstərildiyi bildirilir.

Təhlükəsizliyə görə dağıntı baş vermiş ərazilərdə qazın verlişi tamam dayandırılıb.

***

Əldə edilən məlumata görə, zəlzələ zamanı xəsarət alan 6 nəfər Şamaxı Rayon Mərkəzi Xəstəxanasına yerləşdirilib. Onlarda əsasən qol və ayaqlardan sınıq diaqnozudur.

Bundan başqa, rayon mərkəzindəki mağazalarda rəflər aşıb, obyektlərə ciddi ziyan dəyib.

Dağıntılarla əlaqədar yaradılan fövqəladə komissiyanın və Şamaxı Rayon İcra Hakimiyyətinin nümayəndələri dağıntılar və fəsadlar olan yerlərə baxış keçiriblər.