Amerika tənzimləyicisi Bitcoin sənədlərini qeyri-qənaətbəxş hesab edir
ABŞ-ın qiymətli kağızlar üzrə tənzimləyicisi SEC, Bitcoin ETF-lər üçün müraciətlərin qənaətbəxş olmadığını açıqladı. ENA.az xəbər verir ki, "The Wall Street Journal"ın hesabatına görə, Qiymətli Kağızlar və Birja Komissiyasının BlackRock və Fidelity-dən son ETF sənədlərinin qənaətbəxş olmadığını deməsindən sonra Bitcoin cümə günü 5 faizə qədər ucuzlaşıb. 31 min dolların üzərində olan bitkoin 29 min 500 dollara düşüb.
BlackRock, Fidelity, WisdomTree və digər ənənəvi aktiv menecerləri spot bitcoin ETF-ni işə salmaq üçün SEC-ə müraciət edərək, investorlar arasında təsdiqin nəhayət qaçılmaz ola biləcəyinə ümid yaratdı.
SEC, BlackRock və Fidelity adından bitcoin ETF ərizələri təqdim edən CBOE və Nasdaq-a, hesabatın "aydın və hərtərəfli" olmadığını söylədi.
BlackRock-un Bitcoin ETF üçün müraciətindən sonra kriptovalyuta bazarında kəskin artım qeydə alınıb. Bitcoin 26 min 400 dollardan 31 min dolları keçmişdi.
Ümumiyyətlə, Bitcoin apreldən bəri ilk dəfə 30.000 dolları ötüb. Coinbase-in səhmləri də eyni dövrdə 30 faizdən çox artıb.
