Hikmət Usubov işdən çıxarıldı
Yasamal Rayon Mühafizə İdarəsinin rəisi, polis polkovniki Hikmət Usubov vəzifəsindən azad edilib.
ENA.az "Unikal"a istinadən xəbər verir ki, bununla bağlı daxili işlər naziri general-polkovnik Vilayət Eyvazov əmri imzalayıb.
O, bundan əvvəl Nizami rayon 24-cü polis bölməsinin rəisi işləyib. Hikmət Usubov məlumatı təsdiqləyib.
Qeyd edək ki, Hikmət Usubov sabiq daxili işlər naziri, hazırda Təhlükəsizlik Şurasının katibi olan general-polkovnik Ramil Usubovun qardaşı oğludur.
