Vergi borcu olan şirkət nazirliyin 3 milyon manatlıq tenderinin qalibi oldu

Elm və Təhsil Nazirliyinin Təsərrüfat Hesablı Əsaslı Tikinti Və Təchizat İdarəsi “Məişət İST” MMC ilə 32 milyon manatlıq müqavilə bağlayıb.

ENA.az xəbər verir ki, müqavilədə 2023-cü il ərzində Bərdə rayon ərazisində yerləşən bütün məktəbəqədər təhsil müəssisələrinin yeməklə təchizatının satınalınması nəzərdə tutulur.

Müqavilənin dəyəri 3 150 431 manatdır.

Qeyd edək ki, “Məişət İST” MMC 1994-cü ildə dövlət qeydiyyatına alınıb, nizamnamə kapitalı 6 manatdır və qanuni təmsilçisi Nicat Cəfərovdur. 20.02.2023-cü il tarixinə qədər şirkətin vergi borcu 69 881.77 manatdır.

Xatırladaq ki, vergi borcu olan şirkətlərin tenderdə iştirakı “Dövlət Satınalmaları haqqında” Qanunun 6.2.5-ci maddəsinin tələblərinə görə də mümkün deyil.​