“iPhone” və “Apple”dan istifadə təhlükəlidir - XƏBƏRDARLIQ

ABŞ Daxili Təhlükəsizlik Departamentinin Kibertəhlükəsizlik Agentliyi “iPhone” və digər “Apple” cihazlarından istifadənin təhlükəsi barədə xəbərdarlıq edib.

ENA.az xarici KİV-ə istinadən xəbər verir ki, Departamentin yaydığı məlumata görə, qurğular təhlükəli məhsullar siyahısına salınıb. Belə ki, yeniləmələri yükləmədən və quraşdırmadan qadcetlər hakerlər tərəfindən “sındırıla” bilər. Təhlükəni “Apple” şirkəti də rəsmən təsdiqləyib.

Şirkətdən bildirilib ki, “iPhone”, “iPad” və “Mac” kompüterlərində Safari brauzerlərində kritik təhlükəsizlik zəifliklərini aradan qaldırmaq üçün mühüm yeniləmələr buraxılıb. Söhbət iOS 16.3.1, iPadOS 16.3.1 və macOS Ventura 13.2.1 kimi əməliyyat sisteminin versiyalarından gedir. “Apple” həmçinin Safari 16.3.1-i macOS Big Sur və macOS Monterey də daxil olmaqla, köhnə kompüter əməliyyat sistemləri üçün yenilənmələr təqdim edib.

ABŞ səlahiyyətliləri xəbərdarlıq ediblər ki, yeniləmə olmadan təcavüzkarlar boşluqdan istifadə edə bilərlər ki, bu da qorunmayan istifadəçi məlumatlarının oğurlanmasına imkan verəcək.